احنا هنا هنستخدمة على شاشات المدرسة عشان نضمن ان الطلاب متفتحش اي حاجة خارجة عن المحتوى التعليمى
اولا : هفترض ان في مدرستى عدد 10 شاشات
** اول حاجة هعملها.. هعمل ايميل جيميل لكل شاشة منهم
ووانا بعملة اراعى التسميات.. يعنى مثلا شاشة في فصل 1/1 يبقى هسمى الميل (sec1-1 وجزء من اسم المدرسة) اواي اسم تحطوة المهم يكون معروف عشان لما يظهرلى على تلفونى ابقى عارف دى انهى شاشة وفي اي فصل
خلصنا الايميلات
** نخش على اول شاشة.. نفتح المتجر بعد ما ضفنالها الميل
هنكتب اسم البرنامج هلاقى طالعلى نسختين خدوا بالكم
النسخة الاولى.. Google Family Link for Parents تقدر تحمله من هنا
وهى النسخة المخصصة للاباء واللي هننزلها على تلفون الاخصائي او المسؤول
النسخة التانية.. Google Family Link for children تقدر تحمله من هنا
وهى النسخة المخصصة للاطفال او المراهقين واللي هننزلها على الشاشات عشان نقدر نتحكم فيها بالتطبيق المخصص للاباء
** بعد ما ثبتنا التطبيقات .. هنفتح التطبيق اللي نزلناة على تلفون الاخصائي او المسؤول
• هتتظهر لنا رسالة .. هل هذا الهاتف للأب أم للأبن هنختار أباء – Parents .
• الخطوة التالية سيسألك التطبيق إذا كان طفلك لديه حساب علي جوجل
– Does your child has a google account
الحسابات احنا عاملينها ومجهزينها هندوس نعم ونحط حساب الشاشة الاولى .. وبعدها التانية... وهكذا
** بعد كدة هنروح للشاشات اللي احنا نزلنا عليها تطبيق الاطفال او المراهقين
هنفتح التطبيق هتظهر معانا نافدة من خلالها هنتبع الخطوات بالضغط على التالي لغاية ما نوصل لنافدة تطلب منا اننا ندخل رمز التحقق و المزامنة, ودة هنلاقية على البرنامج في تلفون المسؤول و بعد فترة قصيرة هتنتهي عملية التحقق هيتبقالك لك فقط استكمال خطوات عملية التأكيد بالضغط على التالي لغاية ما نخلص
بكدة ليك التحكم الكامل على الشاشات
** نخش بقى على تلفون المسؤول ونطبط اعداداتنا.. ونحدد كل اللي احنا عايزينة
وخد بالك محدش يقدر يشيل البرنامج من على الشاشة الا من تلفون المسؤول
كمان ناس سالت طب ممكن يشغلوا حاجة من الفلاشة.. بسيطة من البرنامج تقدر تعمل حظر للبرامج اللي بتشغل فيديو او اي برامج انت مش عايزهم يشغلوها
👍👍👍